Autor: Schneesportschule Wildberg

Liebi Eltere
„Für das neue Jahr, soviel Glück wie Wassertropfen im Meer, soviel Liebe, wie Sterne am Himmel und Gesundheit an jedem neuen Tag“
Das find ich so en schöne Spruch und genau das wünsched mir oi im 2018!
Ich han nomal versucht das Thema „Spam Problem“ wo die einte händ z‘ löse.
Drum schick ich oi da mal uf eme andere Weg es Mail.
Bin gspanne, ebs immerno im Spam landet oder nid.
Freu mich über Rückmäldige von dene wo bis jetzt es Problem gha händ.
Uf de Homepage hani mal no e Rubrik „Aktuelles“ gmacht, bin aber no unschlüssig, eb das sin macht oder nid.
So, jetzt lahn ich oi de wunderbari Tag gnüsse.
Hoffe mir gsehnd ois bald wieder i de Skischuel.
Liebe Gruess
Familie Hess

Liebi Eltere
Mit dene Bilder vo Hüt verabschiedet mir s 2017!

Und hoffed uf es Schneerichs 2018!

Mir bedanked ois ganz herzlich bi oi allne!
Danke, dass ihrs schätzed was mir mached und oi Chinde gärn zu ois bringed. Nur so macht das ganze en Sinn.
So e chlini unterländer Skischuel chan aber nur mit eme so tolle Team wie mir händ funktioniere.

Danke viel mal de beste Skilehrer!!

Danke au dem super tolle Team vom Verein Skifahren Wildberg – ohni die würdi kein Lift laufe uns mir hetted kei präparierts Chinderland und Piste.
Und natürlich danked mir au de Familie Aeppli – ohni sie müessted vieli Durst und Hunger ha.

Und jetzt wünsched mir ganz en guete Rutsch ist 2018…

Hoffentlich bis bald wieder.

Liebe Gruess
Familie Hess

Liebi Eltere
Nur nomal zum klarstelle… nid dass öppert vergäbe nach Wildberg gaht.
Ich hans zwar scho im Ameldeformular gschriebe aber s isch mir eifach wichtig, dass es au alli gläse händ.
Sobald de Unterricht stattfindet und ihr oi igschriebe händ, chömed ihr e Bestätigung über.
Wänn ihr vo mir nüt ghöred, denn klappeds nid mit em Unterricht oder das mit de Amäldig hät nid klapped.
Momentan warted mir leider uf de Schnee… mega schad… aber mir chönds hald nid ändere. Will so wie ich gseh, wäred mir und ihr alli parat gsie.
Au d‘ Piste sind am Fritig imene soo guete Zuestand gsie und s Team vom Skilift häts mit em Pistebulli extra no präparitert gha.
Mir hoffed ganz fest, dass d Frau Holle ois glii es paar Flocke schickt.
Bitte mäldet oi bi Unsicherheite – denn chani oi witerhälfe.
Natürlich erst, wänn ihr mini Infos au gläse händ.

Danke viel mal…

Liebe Gruess

Nadine

Liebe Eltern
Soeben hat mich die Nachricht vom Liftteam erreicht, dass die Wetterlage heute kein Betrieb ermöglicht.
Die Pisten wurden letzte Nacht noch voller Zuversicht präpariert. Aber leider vergebens
Gemäss Meteoswiss hätte es am Morgen noch geschneit statt geregnet.
Aber die Temperaturen sind mehr gestiegen als angenommen und es kam zu viel Wasser.
Es tut mir sehr leid.

Liebe Gruess
Nadine

Das Anmeldemail ist versendet.